Fimmtudaginn 24.
nóvember sl. fóru félagar í Borgum í fyrirtækjaheimsókn til Póstsins á Stórhöfða
í Reykjavík. Heimsóknin hófst með kynningu Þórhildar Ólafar Helgadóttur
forstjóra og félaga í Borgum þar sem hún fór yfir hlutverk og starfsemi fyrirtækisins.
Hún lýsti einnig breytingum á póstþjónustu, hruni í fjölda
bréfasendinga, vexti í fjölda pakkasendinga og sjálfvirknivæðingu starfseminnar. Auk
þess var kynning á umhverfis- og loftslagsstefnu Póstsins sem felst m.a. í notkun vistvænna ferðamáta
og endurnýjanlegra orkugjafa í flutningum. Að lokinni kynningu var gengið um
Póststöðina undir leiðsögn starfsmanna Póstsins.
Félagar í
Borgum þakka fyrir höfðinglegar móttökur og áhugaverða kynningu á Póstinum.
