Bókaklúbbur
Á fundi í Rótarýklúbbnum Borgum var varpað
fram hugmynd um stofnun bókaklúbbs.
Undirtektir voru afar góðar og á fyrsta fundi voru 15 manns skráðir til
þátttöku. Félagar voru einhuga um að biðja Lilju Ólafsdóttur að vera í forsvari
fyrir klúbbinn og í framhaldinu velja sér tvo félaga til aðstoðar.
Á þessum fundi komu margar bækur til tals og valið var að taka til lesturs
bókina „Inngangur að efnafræði“ eftir hina bandarísku Bonnie Garmus. Þá var ákveðið að hittast eftir einn mánuð og ræða um bókina og höfundinn.
Við erum þegar með golfklúbb, skógræktarhóp,
leikhús- og matarsamkomur og bókaklúbbur er aukinn styrkur fyrir starf
Rótarýklúbbsins Borga.