Fimmtudagurinn 6. október var annasamur hjá
Rótarýfélögum í Borgum. Morgunfundur var með hefðbundnu sniði og talaði
Málfríður Klara Kristiansen í 3 mínútna erindi um áhugamál sín. Umdæmisstjóri
Bjarni Kr Grímsson hélt fyrirlestur um rótarýstarfið og svaraði fyrirspurnum
fundargesta. Að erindi loknu tóku við góðar umræður.
Ekki var deginum þar með lokið, en seinni
partinn lögðu galvaskir meðlimir land undir fót og fóru í skógræktarreitinn
Selborgir. Þar hefur klúbburinn hefur fengið úthlutaðan landskika frá Kópavogsbæ
til að planta trjám. Þá voru settir upp hanskar og mjöl borið á plönturnar til
að undirbúa þær fyrir komandi vetur.