Innanfélagsmót
í golfi hjá Rótarýklúbbnum Borgum, haldið í Kiðjabergi 29.8.2022
Innanfélagsmót Borga í golfi
hefur verið haldið síðan 2011 en féll niður í covid. Guðmundur Ásgeirsson gaf
Golfbikar sem klúbbfélagar keppa um, en auk þess eru þrjár aðrar keppnir milli
félaga og gesta.
Í mótið nú í ár voru skráðir
22 félagar og makar, en vegna veikinda þurftu tveir að hætta við (Covid enn að
hrekkja okkur).
Allir fengu teiggjöf:
Handklæði frá Eimskip og Gatorade orkudrykk.
Þegar keppni hófst var
veðrið með eindæmum gott, logn og 15 gráðu hiti. Um tveimur tímum síðar gerði úrhellisrigningu
sem varði reyndar í stuttan tíma en þá voru allir orðnir hundblautir. En svo
stytti upp og flestir komu nokkuð þurrir í hús.
Að leik loknum var boðið upp
á kjötsúpu og brauð og á meðan var skorið reiknað út.
Eins og
venjan er keppnin punktakeppni með fullri forgjöf auk þess sem keppt er um
besta skor í höggleik án forgjafar. Hámarksforgjöf hjá konum er 36 og hjá
körlum 28. Konur léku almennt af rauðum teig og karlar af gulum, en kylfingar
gátu einnig valið að leika af öðrum teigum og fengu þá leikforgjöf í samræmi
við af hvaða teig er leikið.
Verðlaun!
Innanfélagsmót Borga
Sigurvegari í Innanfélagsmóti Borga
þar sem eingöngu klúbbfélagar
taka þátt, var Margrét
Halldórsdóttir með 36 punkta og fékk hún afhentan bikarinn sem Guðmundur
Ásgeirsson gaf ásamt vínflösku.
Í öðru sæti var Bergljót Kristinsdóttir með 33 punkta
(með fleiri punkta en Rut á seinni 9) og fékk hún vínflösku.
Í þriðja sæti var Rut Hreinsdóttir líka með 33
punkta og fékk hún vínflösku.
Höggleikur
án forgjafar.
Bergljót Kristinsdóttir fór á 91 höggi og fékk eignargrip og vínflösku
Keppni
milli allra sem taka þátt í mótinu – félagar og gestir – punktakeppni með forgjöf.
Sigurvegari
var Dýrleif Egilsdóttir, maki Gunnsteins, með 38 punkta. Hlaut hún eignargrip
og vínflösku
Í
öðru sæti Margrét Halldórsdóttir með 36 punkta.
Í
þriðja sæti Bergljót Kristinsdóttir með 33 punkta.
Keppni
milli maka rótarýfélaga með forgjöf
Sigurvegari var Dýrleif
Egilsdóttir með 38 punkta. Rótarý brúsann.
Dregið
úr skorkortum
Dregið úr skorkotum þeirra, sem ekki fengu verðlaun og voru á staðnum,
þegar dregið var. Gjafirnar voru frá Landsbankanum í Hamraborg.
a) Golfkúlur
(8. pakkar)
b) Húfur
c) Handklæði
d) Tí
e) Bursta
f) Flatargaffall
Að lokinni
verðlaunaafhendingu bauð Gunnsteinn Sigurðsson, rótarý-félagi, og Dýrleif kona
hans okkur heim í sumarhúsið sitt. Þar voru okkur boðnar léttar og góðar veitingar
í yndislega húsinu þeirra. Félagar og gestir þakka innilega fyrir þetta góða
boð hjá þeim Gunnsteini og
Dillý.
Þrátt fyrir að veðrið hafi
verið að stríða okkur og bleytt aðeins í okkur var þetta frábært og skemmtilegt
mót með skemmtilegu fólki.
Það er von okkar sem sáum um
að skipuleggja þetta mót að það verði haldið árlega. Leggjum við til að skipuð verði
þriggja manna nefnd til að sjá um framkvæmd mótsins í framtíðinni.
